Islomobod, 2026-yil 5-fevral – Karavan Info axborot agentligi . Islomobodda Qozogʻiston Prezidenti Qosim-Jomart Tokayevga Pokistonning eng oliy davlat mukofoti – “Nishan-e-Pokiston” ordenini topshirish marosimi boʻlib oʻtdi. Mukofotni Davlat rahbariga Pokiston Prezidenti Asif Ali Zardari va Bosh vazir Shahboz Sharif topshirdilar.

Ushbu orden mamlakat oldidagi maxsus xizmatlari uchun beriladi va Pokiston fuqarolariga ham, xorijiy davlat amaldorlariga ham topshiriladi.

Marosimda hukumat, parlament, armiya va diplomatik korpus vakillari ishtirok etdi.

Surat: Akorda