Toshkent Prezident maktabi barqaror rivojlanish sohasidagi yutuqlari uchun Shayx Zayd Ol Nahayon nomidagi nufuzli mukofotning “Jahon o‘rta maktablari” nominatsiyasida g‘oliblikni qo‘lga kiritdi.

Mukofotlash marosimi Abu-Dabida bo‘lib o‘tdi va unda mukofotni BAA Prezidenti Shayx Muhammad bin Zoid Ol Nahayon topshirdi. Tantanali tadbirda O‘zbekiston Prezidenti Shavkat Mirziyoyev ham ishtirok etib, maktab vakillarini ushbu ulkan g‘alaba bilan shaxsan qutladi.