Toshkent viloyatining Yuqorichirchiq tumanida zamonaviy “aqlli” tibbiyot klasteri tashkil etish rejalashtirilmoqda. Janubiy Koreyaning Hayeon Arkitekche kompaniyasi tomonidan taqdim etilgan loyiha tez tibbiy yordam markazi, ishbilarmonlik va savdo markazi, mehmonxonalar, turar-joy majmuasi, Koreya xalqaro tibbiyot universiteti filiali, shuningdek, xalqaro maktab va bolalar bog‘chasini o‘z ichiga oladi.

Klaster xalqaro standartlarga muvofiq yaratilmoqda va tibbiy sayyohlarni jalb etishga qaratilgan. Toshkent viloyati hokimi Zoir Mirzayev loyihani har tomonlama qo‘llab-quvvatlashga va uning muvaffaqiyatli amalga oshirilishiga ko‘maklashishga tayyorligini ma’lum qildi.