Toshkent hokimi Shavkat Umurzoqov milliy an’analar va madaniy qadriyatlarni targ‘ib qilish maqsadida “Milliy Toshkent” tashabbusini yo‘lga qo‘ydi. Loyihaning asosiy g‘oyalaridan biri har juma kuni nishonlanadigan «Milliy kiyimlar kuni‘ni joriy etish bo‘ldi. Davlat muassasalari xodimlariga bu kunda an’anaviy liboslar kiyish tavsiya etilmoqda.

Tashabbus doirasida jamoat joylari, transport vositalari va maktablarni milliy naqshlar bilan bezatish, sayyohlarga esa mahorat darslarida ishtirok etish va milliy liboslarda suratga tushish imkoniyatini taklif etish rejalashtirilgan.

Dastur, shuningdek, milliy madaniyatga bag‘ishlangan tanlovlar, festivallar, ma’ruzalar va teledasturlar o‘tkazishni ham o‘z ichiga oladi. An’analarga qiziqishni rag‘batlantirish maqsadida hunarmandlar va kiyim ishlab chiqaruvchilarni qo‘llab-quvvatlashga alohida e’tibor qaratiladi.