2025-yil yanvar oyida Toshkent supermarketlarida mol go‘shti narxi 5,2 foizga arzonlashgani haqida Makroiqtisodiy tadqiqotlar instituti (MTI) ma’lum qildi. Bodring narxlarida sezilarli pasayish qayd etildi — ular 25,2 foizga arzonlashdi.

Boshqa mahsulotlar orasida margarin (8,4 foizga), guruch (5 foizga) narxlari pasaydi, shuningdek, banan va kartoshka narxlari ham deyarli 2 foizga tushdi.

Shu bilan birga, yanvar oyida lavlagi va limon narxlari ko‘tarildi, grechka, makaron, pomidor, olma va kungaboqar yog‘i narxlari esa o‘zgarmay qoldi.

Moliya vazirligining ma’lum qilishicha, 14-yanvar kuni poytaxtdagi “Food City” bozorida bir kilogramm mol go‘shti 60 mingdan 70 ming so‘mgacha, guruch 16 mingdan 22 ming so‘mgacha, limon esa 8 mingdan 20 ming so‘mgacha narxlarda sotilgan.