Poytaxtda shaharning markaziy ko‘chalarida joylashgan noqonuniy qurilmalarni buzish bo‘yicha faol ishlar boshlanib ketdi. Yakkasaroy tumani hokimligidan xabar berilishicha, ushbu chora-tadbirlarning asosiy maqsadi piyodalar harakati uchun xavfsiz va erkin hududlar yaratishdan iborat.

Qurilmalarni olib tashlash doirasida Shota Rustaveli ko‘chasidagi “ChoyKof” qahvaxonasi va Mirobod ko‘chasidagi “Moris” qahvaxonasining yozgi terrasalari allaqachon buzildi. Shunga o‘xshash ishlar Mirobod tumanida ham olib borilmoqda, u yerda “Oqtepa Lavash” va “Bellissimo Pizza” tez ovqatlanish kafelarining qurilmalari ham buzilib tashlandi.

Hokimiyat vakillari ta’kidlashicha, yondosh hududlardan foydalanish huquqini faqat auksion orqali qo‘lga kiritish mumkin.