20 yildan ortiq ish tajribasiga ega mashhur kurator Sara Raza Toshkentdagi Zamonaviy san’at markazining badiiy direktori lavozimiga tayinlandi. Bu haqda O‘zbekiston san’at va madaniyatni rivojlantirish jamg‘armasi xabar berdi.

Avvalroq Raza Guggenxaym muzeyi va Arab zamonaviy san’at muzeyi kabi nufuzli madaniyat muassasalari bilan hamkorlik qilib, xalqaro san’at maydonida loyihalarni amalga oshirgan edi. Yangi lavozimda u ta’lim tashabbuslari, mahalliy rassomlarni qo‘llab-quvvatlash va markazni O‘zbekiston madaniy merosiga uyg‘unlashtirish masalalariga alohida e’tibor qaratadi.