Тожикистон ҳукумати ва Осиё тараққиёт банки (ОТБ) умумий қиймати 71 миллион АҚШ долларига тенг иккита грант шартномасини имзоладилар, дея хабар беради SugdNEWS.

Ушбу маблағлар мамлакатда иқлимга чидамли ишбилармонлик муҳитини яратишга, шунингдек, Бош Гидроэлектростанцияни (ГЭС) модернизация қилиш орқали қайта тикланадиган энергия ишлаб чиқаришни кўпайтиришга қаратилган.

Грантлар Тожикистон Республикаси Молия вазири Файзиддин Қаҳҳорзода ва ОТБ нинг Тожикистондаги доимий вакили Шанни Кемпбелл томонидан Душанбе шаҳрида имзоланди.

50 миллион АҚШ доллари миқдоридаги биринчи грант Тожикистонда ишбилармонлик муҳитини яхшилаш, шу жумладан рақамлаштириш, экспортни кўпайтиришга қаратилган ислоҳотлар, инфратузилмани бошқариш ва молиявий шаффофликни оширишга қаратилган. Шунингдек, у иқлим ўзгаришига мослашишда кичик ва ўрта корхоналарни (ЎКК) қўллаб-қувватлайди.

21 миллион АҚШ доллари миқдорида иккинчи грант механик ускуналарнинг шикастланиши туфайли 2019 йилда ишдан чиққан Бош ГЭС нинг 4-чи агрегатини алмаштиришга имкон беради. Модернизация тугагандан сўнг, ГЭС нинг ўрнатилган қуввати 2012 йилда 240 мегаваттдан 2026 йилга келиб 274 мегаваттгача ошади.

Тожикистон 1998 йилда ОТБ га аъзо бўлди. Ўшандан бери банк мамлакатни 2,6 миллиард доллардан ортиқ қўллаб-қувватлади, шу жумладан 2 миллиард доллардан ортиқ грантлар. Ушбу маблағлар транспорт ва энергетика инфратузилмаси, соғлиқни сақлаш, таълим, қишлоқ хўжалиги, шаҳарсозлик, шунингдек, давлат секторини бошқариш ва молия каби турли соҳаларни ривожлантиришга ажратилди.

Сурат: SugdNEWS