Тожикистон Республикаси Ташқи ишлар вазирлиги баъзи оммавий ахборот воситаларининг ХХР нинг Тожикистон ҳудудида ҳарбий база яратгани ҳақидаги хабарларини рад этиб, уларни «асоссиз» деб атади.

 «Тожикистон ва Хитой самимий стратегик шериклардир ва икки мамлакат ўртасидаги ҳамкорлик барча йўналишларда жадал ривожланмоқда», – деб таъкидлади Тожикистон Ташқи ишлар вазирлиги расмий баёнотида.

Душанбе ва Пекин икки томонлама асосда ҳам, халқаро ва минтақавий ташкилотлар доирасида ҳам хавф ва таҳдидларга қарши курашиш масалаларида фаол ҳамкорлик қилмоқда.

«Тожикистон ҳудудида Хитой томонидан ҳарбий база яратилгани ҳақида баъзи оммавий ахборот воситалари тарқатган хабарларга келсак, биз уларнинг асоссизлигини эълон қилмоқчимиз. Бу масала Тожик-Хитой музокаралари кун тартибида бўлмаган ва мавжуд эмас», – дейилади Тожикистон Ташқи ишлар вазирлиги расмий баёнотида.

Шунингдек, Тожикистон Республикаси Хитой Халқ Республикаси билан ўзаро тажриба алмашиш, илғор тажрибаларни жорий этиш ва хавф-хатар ва таҳдидларни ўз вақтида аниқлаш ва юмшатиш бўйича тегишли идораларнинг салоҳиятини мустаҳкамлашда ҳамкорликни янада ривожлантириш ва чуқурлаштиришни мақсад қилгани қайд этилди.

Сурат: Тожикистон Республикаси Ташқи ишлар вазирлиги