Тожикистон Президенти Имомали Раҳмоннинг йўлларни тўлиқ реконструкция қилиш ва таъмирлаш бўйича топшириғини бажариш доирасида 573 километр автомобиль ва 71 километр темир йўлларни лойиҳалаштириш керак. Бу ҳақда Тожикистон Tранспорт вазирлиги хабар берди.

Биз ҳамкорлар билан лойиҳалаштирилган йўллар ва логистика марказларини қуриш, машина ва ускуналар сотиб олиш учун инвестицияларни жалб қилиш бўйича иш олиб бормоқдамиз.

Бугунги кунга қадар Транспорт соҳасида назорат ва тартибга солиш Давлат хизмати томонидан «Бохтар – Левакант” автомагистралини реконструкция қилиш» (1 – босқич), «Левакант – Оқмазор» (2-босқич) ва «Окмазор-Данғара» (3-босқич), «Душанбе-Бўхтор», «Обигарм – Нуробод» (1, 2-бўлимлар), «Қалъаи-Хумб – Ванж – Рушан туманининг чегараси» лойиҳаларининг қурилиш ишлари жараёни ва сифати бўйича текширувлар ўтказилди ва кейинчалик тузатилган бир қатор камчиликлар аниқланди.

Бундан ташқари, Транспорт вазирлигининг «Tранспорт иншоотларини лойиҳалаш институти» Давлат унитар корхонаси “Гулистон – Фархор – Панж – Дусти” лойиҳаси (1-босқич) да бошқарув ва назорат консалтинг хизматлари бўйича халқаро танловда иштирок этиб, 20 та хорижий компаниялар орасида ғолиб бўлди.

Сурат: «ХОВАР» Тожикистон Миллий ахборот агентлиги