Turkiyaning ikkita yirik brendi — Jeune Pierre va Gelibolu Taban O‘zbekiston korxonalari bilan hamkorlikka qiziqish bildirdi. “O‘zcharmsanoat” uyushmasi muzokaralarning birinchi bosqichini o‘tkazib, unda qo‘shma investitsiya loyihalarini amalga oshirish va ishlab chiqarishni autsorsing asosida tashkil etish imkoniyatlari muhokama qilindi.

Erkaklar va sport poyabzallari ishlab chiqarishga ixtisoslashgan Jeune Pierre o‘z mahsulotlarini Yevropa va Yaqin Sharq mamlakatlariga yetkazib bermoqda. Kompaniya ishlab chiqarishning bir qismini O‘zbekistonga ko‘chirishni ko‘rib chiqayotgani bilan birga, sport poyabzalining ustki qismini ishlab chiqarishni kengaytirmoqchi. Aprel oyida ushbu loyihani ishga tushirish bo‘yicha O‘zbekiston korxonalari bilan muzokaralar o‘tkazish rejalashtirilgan.

Murakkab poyabzal modellari qismlarini ishlab chiqaruvchi, shu jumladan Yevropa va Rossiyaga eksport qiluvchi boshqa brend — Gelibolu Taban ham hamkorlikdan manfaatdor. O‘zbekistondagi potensial hamkorlar bilan muzokaralar allaqachon boshlandi.