Istanbulda zilzila yuz berdi. Yer silkinishlari shahar g‘arbida sezilib, taxminan 20-30 soniya davom etgan. Yevropa-O‘rtayer dengizi seysmologiya markazi ma’lumotlariga ko‘ra, yer silkinishlari 5,9 magnitudaga yetgan.

Yana bir zilzila Turkiyaning boshqa bir shahri Sindirgida ham sodir bo‘ldi. Shahar hokimi Serkan Sakning so‘zlariga ko‘ra, zilzila kuchi 6,1 ballni tashkil qilgan.

Keyinroq Balikesirda ham zilzila bo'lgani xabar qilingan edi. Yer silkinishlari qo‘shni viloyatlarda ham sezilgan.

Sindirgida kamida o‘nta bino vayron bo‘lgan, bir necha uy zarar ko‘rgan, deya xabar berdi shahar meri.

Turkiya ichki ishlar vaziri Ali Yerlikaya Turkiyaning Balikesir shahrida 16 ta bino qulagani, qidiruv-qutqaruv ishlari yakunlanganini ma’lum qildi.

Turkiyaning Balikesir shahrida ro‘y bergan zilziladan keyin vayronalar ostidan to‘rt kishi tiriklayin olib chiqildi. Ulardan biri, 81 yoshli qariya, keyinroq vafot etdi. Turkiya prezidenti Rajab Toyyib Erdo‘g‘on halok bo‘lganlarga hamdardlik bildirdi. Siyosatchining aytishicha, voqea joyida dastlabki daqiqalardan barcha zarur xizmatlar ishlamoqda. Uning ta'kidlashicha, rasmiylar qutqaruv operatsiyasini diqqat bilan kuzatishda davom etmoqda.

Manba: caravan-info.uz