2025-yilning 12-may kuni Jahon iqtisodiyoti va diplomatiya universitetida (JIDU) Ummon Sultonligi Tashqi ishlar vazirligining bir guruh yosh diplomatlari uchun malaka oshirish kurslarining tantanali ochilish marosimi bo‘lib o‘tdi. O‘quv dasturi 17-mayga qadar davom etadi.

Ushbu kurslar JIDU qoshidagi Diplomatik Akademiya tomonidan O‘zbekiston va Ummon o‘rtasida ta’lim va diplomatik sohalardagi ikki tomonlama hamkorlikni kengaytirish maqsadida tashkil etilmoqda. Asosiy maqsad Ummon Tashqi ishlar vazirligi xodimlarini zamonaviy O‘zbekiston tarixi, ichki va tashqi siyosati, shuningdek, ijtimoiy-iqtisodiy rivojlanishining asosiy jihatlari bilan tanishtirish orqali ularning kasbiy saviyasini oshirishdan iborat.

Ochilish marosimida JIDU birinchi prorektori Akram Umarov,Ummonning O‘zbekistondagi elchisi Vafo Jabr Nosir Albusaidiy, O‘zbekiston Tashqi ishlar vazirligi vakillari, Ummon Tashqi ishlar vazirligi tarkibiy bo‘linmalari rahbarlari va JIDU talabalari.

O‘quv dasturi doirasida JIDU va Diplomatik Akademiya o‘qituvchilari va tadqiqotchilari ummonlik hamkasblari uchun ma’ruzalar va amaliy mashg‘ulotlar o‘tkazadilar. Ularda O‘zbekiston tashqi siyosatining o‘ziga xos xususiyatlari, mustaqillik yillarida mamlakatimizni rivojlantirishning ustuvor yo‘nalishlari, Toshkentning muhim diplomatik tashabbuslari va respublika ishtirokidagi xalqaro iqtisodiy loyihalar kabi keng ko‘lamli mavzular yoritiladi.

Mazkur taʼlim dasturi ikki davlat oʻrtasidagi oʻzaro anglashuvni yanada mustahkamlash, ekspertlar aloqalarini kengaytirish va xalqaro munosabatlar sohasida barqaror muloqot platformasini yaratishga xizmat qilishi kutilmoqda.