O‘zbekiston 2024-yilda 2 million tonna meva-sabzavot eksport qilib, bundan 1,5 milliard dollar daromad oldi. Xitoy 144,6 ming tonna mahsulotni 128,6 million dollarga xarid qilib, yetakchi importchilar safiga qo‘shildi.

Import hajmi bo‘yicha Rossiya yetakchilikni saqlab qolmoqda — u 815,1 ming tonna mahsulotni 632,9 million dollarga sotib oldi. Ikkinchi o‘rinda Qozog‘iston bo‘lib, u 520,5 ming tonna mahsulotni 189,8 million dollarga xarid qildi. Uchinchi o‘rinni 151,7 ming tonna mahsulotni 57,9 million dollarga import qilgan Qirg‘iziston egalladi.

Bundan tashqari, O‘zbekiston mahsulotlari Pokiston, Afg‘oniston, Iroq va Turkiyaga ham yetkazib berildi. Boshqa davlatlar jami 128,5 ming tonna meva va sabzavotlarni 141,7 million dollarga sotib oldi. Bu esa butun dunyo bo‘ylab o‘zbek qishloq xo‘jaligi mahsulotlariga bo‘lgan talabning o‘sib borayotganini ko‘rsatmoqda.