MARKAZIY OSIYO, 2025-yil 18-iyun – Karavan Info axborot agentligi.Xitoy, Qozog‘iston, O‘zbekiston, Turkmaniston, Qirg‘iziston va Tojikiston rahbarlari Qozog‘iston poytaxti Ostonada yig‘ilib, hamkorlikning muhim masalalari, jumladan, Afg‘onistondagi vaziyatni muhokama qilishdi.

17-iyun, seshanba kuni bo‘lib o‘tgan uchrashuv yakunlari bo‘yicha tomonlar qo‘shma bayonot chiqarib, unda terrorizm va narkotrafik tahdidlaridan xoli, tinch, barqaror va rivojlangan Afg‘onistonni qo‘llab-quvvatlashini tasdiqladi.

Xitoy davlat televideniyesining xabar berishicha, yetakchilar terrorizm, separatizm va ekstremizmga qarshi birgalikda kurashishga kelishib olgan.

Davlat rahbarlari transchegaraviy tahdidlarga, terrorchilik guruhlari taʼsiriga, narkotik moddalarning noqonuniy aylanishiga, shuningdek, xalqaro va kiberjinoyatlarga qarshi kurashishga tayyor ekanliklarini taʼkidladilar.

Bayonotda davlatlar xalqaro hamjamiyat bilan hamkorlik qilishga tayyor ekanliklarini bildirib, Afgʻonistonda tinchlik oʻrnatilishi, mamlakatning tiklanishi, mintaqaviy va jahon iqtisodiy tizimlariga integratsiyalashuviga hissa qoʻshishlarini taʼkidladilar.

Uchrashuvda XXR Raisi Si Szinpin va prezidentlar: Imomali Rahmon (Tojikiston), Shavkat Mirziyoyev (O‘zbekiston), Sardar Berdimuhamedov (Turkmaniston), Qosim-Jomart Tokayev (Qozog‘iston) va Sadir Japarov (Qirg‘iziston) ishtirok etdi.

Davlat rahbarlari xavfsizlik, terrorizm va narkotrafik masalalaridan tashqari savdo-iqtisodiy hamkorlikni rivojlantirish masalalarini ham muhokama qildilar.

Uchrashuv Kanadada bo'lib o'tgan G7 sammitiga to'g'ri keldi.

Foto: IA Karavan Info hamkorlari