O‘zbekistondan uch oydan ortiq muddatga chiqib ketgan pensionerlarga to‘lovlar vaqtincha to‘xtatib qo‘yiladi. Bu qoida ‘Davlat pensiyalarini tayinlash va to‘lash tartibi to‘g‘risidagi Nizom‘da belgilangan.

Pensiya jamg‘armasi ma’lum qilishicha, pensionerlar mamlakatga qaytganlaridan so‘ng yana to‘lovlarni olishlari mumkin. Bundan tashqari, ular murojaat qilgan paytdan oldingi oxirgi 24 oy davomida to‘lanmagan summalarni qoplash huquqiga ega bo‘ladilar.