2025-yilning birinchi yarmida Xitoy-Markaziy Osiyo yo‘nalishida 7349 ta yuk poyezdi jo‘natildi, bu 2024-yilning shu davriga nisbatan 1470 ta poyezdga ko‘p. O‘sish 25 foizni tashkil etdi, deya xabar beradi China Railways.

Yuk tashishning umumiy hajmi 1,98 milliard tonnaga yetdi va o'tgan yilga nisbatan 3 foizga o'sdi.

Don yetkazib berish tarmog‘i ayniqsa faol rivojlanmoqda: yanvardan maygacha Qozog‘istondan Xitoyga temir yo‘l orqali 1,6 million tonna don jo‘natildi.

Bu raqamlar Markaziy Osiyoning global logistika va mintaqa bilan Xitoy o‘rtasidagi savdo aloqalarini mustahkamlashdagi roli ortib borayotganidan dalolat beradi.