Бош прокуратура ҳузуридаги Департамент матбуот хизмати энергия манбаларига ноқонуний уланишнинг бир нечта ҳолатлари аниқлангани ҳақида хабар беради.

Самарқанд вилоятининг Каттақўрғон ва Пастдарғом туманларида “Ф.З.” фермер хўжалиги ва якка тартибдаги тадбиркор “Э.Н.” сув насосларини давлат электр тармоғига ноқонуний улагани аниқланди. Ушбу ҳаракатлар 217,4 млн. сўм миқдорида электр энергиясини истеъмол қилишга олиб келган.

Андижон шаҳри ва Андижон вилоятининг Балиқчи туманида дўконларнинг электр тармоғига ноқонуний уланиши ҳолатлари аниқланди. Фуқаро “Х.K.” ва «S.V.» МЧЖ томонидан 214,5 млн. сўмлик зарар етказилган.

Жиззах шаҳрида ишлаб чиқариш ускуналарини газ таъминотига ноқонуний улаган фуқаро Б. B. аниқланди. Бу ҳолат 151,8 млн. сўм миқдорида табиий газ истеъмолига олиб келган.

Аниқланган барча ҳолатлар бўйича Ўзбекистон Республикаси Жиноят кодексининг «ўғирлик» моддаси бўйича жиноий ишлар қўзғатилган.

Аввалроқ Фарғона вилоятида алкоголь ишлаб чиқариш бўйича ер ости цехи аниқлангани ҳақида хабар берилган эди.

Сурат: Pixabay.com / Pexels