10 июн куни Австрия пойтахтида Халқаро энергия инвестициялари форуми ўз ишини бошлади. Қирғизистон Республикаси Президенти Садир Жапаров видеоконференция орқали сўзга чиқди.

Шундан сўнг Вазирлар Маҳкамаси раиси, Қирғизистон Республикаси Президенти маъмурияти раҳбари Ақылбек Жапаров қутлов билан нутқ сўзлади.

«Форум барқарор ривожланиш йўлидаги муҳим қадам ва бизни яшил ва фаровон дунёга олиб борадиган йўлнинг ёрқин бошланиши бўлади … Форум нафақат Қирғизистон Республикаси, балки бутун Марказий Осиё минтақаси учун эсда қоларли бўлади, чунки биринчи навбатда минтақавий аҳамиятга молик лойиҳа – «Қамбар-Ота» ГЭС-1 қурилишини янада амалга ошириш масаласи муҳокама қилинади», — деди Ақылбек Жапаров.

Сиёсатчи тадбирда иштирок этиш учун келган иштирокчиларга миннатдорчилик билдирди ва форум стратегик шериклик ва ҳал қилувчи қўшма ҳаракатлар учун платформага айланиши мумкинлигини таъкидлади.

«Ушбу форум ҳаёт сифатини яхшилаш ва сайёрамизнинг табиий бойликларини сақлашга қаратилган кўплаб муваффақиятли лойиҳалар ва ташаббуслар учун имкониятлар очсин», — дея қўшимча қилди Акылбек Жапаров.

Ушбу энергетика форуми Қирғизистон Республикаси Вазирлар Маҳкамаси томонидан Жаҳон банки гуруҳи кўмагида ташкил этилган.

Форумда 200 дан ортиқ халқаро молия ташкилотлари вакиллари, шунингдек, Марказий Осиё, Европа ва Яқин Шарқ делегациялари иштирок этди.

Сурат: Қирғизистон Республикаси Вазирлар Маҳкамасининг расмий веб-сайти