Россия Президенти Владимир Путин Си Цзиньпин билан музокаралар чоғида Франция Президенти Эммануэль Макроннинг Олимпия сулҳига оид ташаббусини муҳокама қилганини айтди.

«Ҳа, Президент Си Цзиньпин менга бу ҳақда гапириб берди, биз у билан бу мавзуни муҳокама қилдик, шунчаки унга тўхталдик»,  — деди Россия раҳбари журналистларга.

Франция раҳбари Олимпия сулҳини фаол қўллаб-қувватлайди. Бу ғоя Хитой Президентининг Францияга ташрифи чоғида муҳокама қилинган мавзулардан бири эди. Россия Федерацияси Президентининг матбуот котиби Дмитрий Песков Париждан бу борада расмий таклифлар бўлмаганини таъкидлади.

Сурат: Кремль Матбуот Хизмати