МОСКВА, 2 сентябри соли 2025 АИ «Караван Инфо». Расонаҳои Бразилия хабар доданд, ки санаи 8 сентябр дар формати видеоконфронс саммити ғайринавбатии БРИКС баргузор мешавад.

Тибқи иттилои манбаъҳо, роҳбарони кишварҳои иттиҳодия тадбирҳои таҳкими ҳамкориҳои бисерҷониба ва рушди тиҷоратро дар дохили блок баррасӣ хоҳанд намуд. Дар байни мавзӯъҳо гузариш ба ҳисоббаробаркунӣ бо асъори миллӣ ва коҳиши вобастагӣ аз доллар.

Ба сиёсати тиҷоратии ИМА диққати махсус дода мешавад. Дар бораи Вашингтон изҳороти мустақим интизор нест, аммо як қисми баҳс ба чораҳои ҳимоятгарии Маъмурияти Доналд Трамп дахл хоҳад намуд.

Президенти Бразилия Луис Инасио лула Да Силва ният дорад, ки масъалаи ислоҳоти созмони ҷаҳонии тиҷоратро ба миён орад ва зарурати мутобиқсозии қоидаҳоро ба воқеиятҳои нави иқтисодӣ таъкид кунад.

Дар рӯзномаи ҳамоиш низоъи Русия ва Украина, вазъи Ғазза ва омодагӣ ба конфронси иқлимии COP 30, ки тирамоҳ дар Бразилия баргузор мешавад, зикр шудааст.

Ҳамоиш дар пасманзари ташаннуҷи сиёсии дохилӣ дар худи Бразилия баргузор мешавад. Президенти собиқ Жаир Болсонару дар парвандаи кӯшиши табаддулот мурофиаи судӣ мегузаронад ва дар сурати ҳукми айбдоркунӣ ин метавонад ба муносибатҳои иқтисодии кишвар бо ИМА таъсир расонад.

МАЪЛУМОТ: БРИКС соли 2009 таъсис ёфтааст ва бузургтарин иқтисодҳои рушдёбандаи ҷаҳонро муттаҳид мекунад: Бразилия, Русия, Ҳиндустон, Чин ва Африқои Ҷанубӣ.

Дар солҳои охир, блок фаъолона гузариш ба ҳисоббаробаркунӣ дар асъори миллӣ, васеъ намудани ҳайати иштирокчиён ва ислоҳоти меъмории молиявии ҷаҳонро муҳокима мекунад.

Аксҳо: Шарикони АИ «Караван Инфо».