МОСКВА, 2 сентябри соли 2025 АИ «Караван Инфо».  Олимони донишгоҳи Давлатии Тула нишондиҳандаи наверо пешниҳод намуданд, ки ба арзёбии дақиқи хатари бемориҳои дилу раг кӯмак мекунад. Таҳия патент гирифт, хабар доданд хадамоти матбуоти донишгоҳ.

Имрӯз, ҳангоми ҳисоб намудани эҳтимолияти сактаи дил ё инсулт, табибон ба нишондиҳандаҳои фишор, холестирин, ҷинс, синну сол ва далели тамокукашӣ тамаркуз мекунанд.

Аммо, нақши стресси музмин муддати тӯлонӣ дар канор монд, гарчанде ки он аксар вақт ангезандаи бемориҳои дил ва рагҳо мегардад.

Муҳаққиқони тула бори аввал пешниҳод намуданд, ки ин омилро ба системаи ташхис дохил намуда, мафҳуми “хатари стрессии дил ва рагҳои хунгард” (ИҶШС)-ро ҷорӣ кунанд.

Нишондиҳандаи нав ба индекси ба истилоҳ устувории стресс асос ёфтааст, ки кори системаҳои дилу раг, нафаскашӣ ва асабро дар шароити шиддат инъикос мекунад.

Бозёфтҳо пас аз таҳлили маълумоти зиеда аз 2500 бемор дар байни солҳои 2014 ва 2025 ба даст омадаанд. Маълум шуд, ки дар сатҳи пасти устувории стресс эҳтимолияти сактаи дил ва инсулти мағзӣ хеле баландтар аст ва давомнокии умр камтар аст.

“Стресси музмин ба тағиротҳое оварда мерасонад, ки барои бемориҳои дил заминаи мусоид фароҳам меоранд ва инчунин одатҳои бадро ба вуҷуд меоранд” гуфт Роҳбари таҳқиқот Алексей Токарев.

Ба гуфтаи мутахассисон, усули нав бояд ба барномаҳои пешгирикунанда дар баробари чен намудани фишор ва сатҳи холестерин ворид шавад.

Бемориҳои дилу раг яке аз сабабҳои асосии фавт дар Русия ва ҷаҳон боқӣ мемонанд. Тибқи Иттилои Вазорати Тандурустӣ, дар солҳои охир дар кишвар коҳиши фавт аз сактаи қалб ва сакта ба қайд гирифта шудааст, аммо табибон таъкид мекунанд: пешгирӣ нақши калидӣ дорад.

Аксҳо: Getty / Yuichiro Chino