МОСКВА, 5 сентябри соли 2025 АИ «Караван Инфо».   Дар Комсомолск-на-Амур парвози аввалини ҳавопаймои нави SJ-100-и русия, ки бо технологияи сериявӣ сохта шудааст, баргузор шуд.

Тавре ки дар “Ростех” хабар дода шуд, киштии рақами борти 97004 тақрибан як соат дар ҳаво буд ва тамоми озмоишҳои заруриро анҷом дод.

Дар паси штурвал лётчикони озмоишгар Дмитрий Савонин ва Леонид Чикунов, инчунин муҳандиси пешбар Владислав Тюрин буданд.

Корпоратсия таъкид намуд, ки ҳавопаймо аллакай дар шакле сохта шудааст, ки ба мизоҷон интиқол дода мешавад.

“Раванди сертификатсия ҳанӯз идома дорад, аммо ҳавопаймо дар истеҳсоли сериявӣ сохта шудааст ва ба намуди мақсаднок комилан мувофиқат мекунад”, — шарҳ доданд дар “Ростех”.

Конструктори асосии лоиҳа Кирилл Кузнетсов қайд намуд, ки навсозии сохтор имкон дод, ки ба системаҳо ва агрегатҳои Русия гузарад ва раванди истеҳсол ва хидматрасонии ояндаи лайнерро осон кунад.

Барои истеҳсоли SJ-100 иқтидорҳои алоҳида ҷудо намуда шудаанд, ки имкон медиҳад, ки истеҳсоли сериявӣ ба роҳ монда шавад.

МАЪЛУМОТ: SJ — 100 тафсири навсозии Sukhoi Superjet, ки дар доираи барномаи ивазкунии воридот сохта шудааст. Ҳавопаймо аз ҷониби ширкати “Яковлев” (ба “Ростех” дохил мешавад) таҳия намуда мешавад ва бояд барои навсозии авиатсияи минтақавӣ дар Русия асос гардад. Парвози аввали киштии нав марҳилаи калидии пеш аз сертификатсия ва оғози интиқоли сериявӣ буд.

Аксҳо: ОАК