МОСКВА, 24 сентябри соли 2025 АИ «Караван Инфо». Кормандони УФСБ Русия дар Вилояти Новосибирск якҷоя бо контрразведкаи ҳарбӣ кӯшиши ҳамларо алайҳи шахси мансабдори идораи ФССП пешгирӣ намуданд. Дар ин бора дар идораи минтақавии хадамоти махсус хабар дода шуд.

Тибқи маълумоти идора, сокини 35-солаи Новосибирск нисбати мақомоти иҷроия ҳокимияти давлати душмании шахсӣ дошт ва дар шабакаҳои иҷтимоӣ ҷомеае таъсис дод, ки дар он ба “ноором намудани фаъолияти хадамоти приставҳои судӣ” даъват менамуд. Ӯ ҳамчун усули мубориза ташкили ҳамлаҳои террористиро интихоб намуд.

Кормандони оперативӣ ӯро ҳангоми кӯшиши оташ задани хонаи корманди ФССП бо истифода аз моеъи зудсӯз дастгир намуданд.

Шӯъбаи тафтишотии УФСБ бо моддаи сӯиқасд ба амали террористӣ парвандаи ҷиноятӣ оғоз намуд. Суд барои фигурант чораи пешгирӣ дар шакли ҳабсро ба мӯҳлати ду моҳ интихоб намуд.

Дар солҳои охир, хадамоти махсуси русия бештар ҳолатҳои радикализатсияро тавассути интернет сабт мекунанд. Чунин ҷомеаҳо аксар вақт ба платформаи паҳн намудани ғояҳои экстремистӣ ва омода намудани аксияҳои ғайриқонунӣ табдил меёбанд.

Мақомоти ҳифзи ҳуқуқ назорати фазои рақамиро барои пешгирии чунин таҳдидҳо дар марҳилаи аввал тақвият медиҳанд.

Аксҳо: манбаъҳои Кушода