ОСТОНА, 2 октябр АИ «Караван Инфо». Дар Рум соли 2025 муҷассамаи шоир ва мутафаккири бузурги қазоқ Абай Қунанбоев пайдо мешавад. Дар ин бора Президенти Қазоқистон Касим-Жомарт Токаев пас аз гуфтушунид бо Президенти Италия Серджо Маттарелла дар Акорд изҳор дошт.

Ба гуфтаи Токаев, ҷонибҳо густариши робитаҳои фарҳангӣ ва гуманитарӣ баррасӣ намуданд. Аз ҷумла, яке аз кӯчаҳои Остона номи Марко Полоро мегирад, дар Италия намоишгоҳи “Золото кочевников” баргузор мешавад ва дар театри Қадимаи Сан-Карло дар Неапол операи “Абай” ба намоиш гузошта мешавад.

Сарвари давлат таъкид намуд, ки гузоштани муҷассама дар Рум рамзи эҳтиром ба мероси фарҳангии Қазоқистон ва таҳкими дӯстии байни халқҳо хоҳад буд. Дар навбати худ, Серджо Маттарелла бо даъвати Токаев бо сафари расмӣ ба Остона омад, ки дар он роҳбарони ду кишвар дар бораи ҳамкории минбаъда гуфтушунид намуданд.

Аксҳо: Акорда