МОСКВА, 30 сентябри соли 2025 АИ «Караван Инфо». Ширкати хусусии “Кайҳони Нав” ду шартнома барои таҳвили ҳавопаймоҳои бесарнишини коптерӣ бо радиолокаторҳои “Аргос” бастааст ва ният дорад, ки соли 2025 модели нави ҳавопаймои навъи парвоз ва нишасти амудӣ (VTOL) – ро пешниҳод кунад. Дар ин бора директори генералии ширкат Антон Алексеев нақл намуд.

“Мо аллакай барои маҳсулоти амалкунанда ду шартнома бастаем. Ғайр аз ин, имсол мо нақша дорем, ки ҳавопаймои бесарнишини навъи парвози амудиро барои фарогирии майдонҳои калон муаррифӣ кунем. Радиолокатор, ба монанди моҳвора, қодир аст дар ҳар вақти шабонарӯз бо ҳар гуна равшанӣ барои қабули қарорҳо тасвир диҳад, қайд намуд Алексеев.

Дар доираи шартномаҳо сухан дар бораи интиқоли якчанд адад дронҳои коптерӣ меравад. Ба гуфтаи директори генералӣ, рушд иқтидори содиротӣ дорад. Модели аввалини ширкат дар якҷоягӣ бо шарики худ сохта шудааст, ва СВЧ-блок ва антенна – таҳияи худии “Кайҳони Нав” мебошад.

“Мо чорчӯбаро такмил додем, салоҳиятҳо ба даст меорем ва Ҳоло “Аргос” амалан як маҳсулоти мустақил мешавад”, — илова намуд Алексеев ва мушаххас намуд, ки контроллери парвоз ва муҳаррикҳои пропеллерҳо аз кишварҳои дӯстона сарчашма мегиранд.

Ҳоло “Кайҳони Нав” шарик ва маҳсулотеро меҷӯяд, ки ҳангоми таҳияи бесарнишини VTOL истифода мешавад.

Аксҳо: CНТУ Динамика