МОСКВА, 1 октябри соли 2025 АИ «Караван Инфо».  Президенти Русия Владимир Путин ба раиси ҶХХ Си Ҷинпин ба муносибати 76-солагии таъсисёбии Ҷумҳурии Халқии Чин табрикот фиристод.

Дар телеграммае, ки дар Сомонаи Кремл нашр шудааст, ӯ “сатҳи баланди бесобиқа” – и муносибатҳои дуҷонибаро таъкид намудааст.

“Муносибатҳои Русия ва Чин дар сатҳи бесобиқаи баланд қарор доранд – ин муоширати ахири ҳамаҷониба ва созандаи моро дар Тянтсзин ва Пекин пурра тасдиқ намуд”, — гуфта мешавад дар нома.

Путин қайд намуд, ки иҷрои созишномаҳои бадастомада барои лоиҳаҳои нави муштарак дар соҳаҳои гуногун имконият фароҳам меорад, ки ин ба манфиатҳои ҳарду кишвар ҷавобгӯ аст ва тартиботи бисерқутбии ҷаҳонро тақвият медиҳад.

Президенти Русия таъкид намуд, ки Чин дар соҳаҳои иҷтимоию иқтисодӣ ва илмию техникӣ бо боварӣ рушд намуда, мавқеи худро дар арсаи ҷаҳонӣ мустаҳкам мекунад ва дар ҳалли мушкилоти ҷаҳонӣ саҳми назаррас мегузорад.

Дар охир Путин ба Си Ҷинпин саломатӣ, муваффақият дар кори давлатӣ ва ҳизбӣ ва ба ҳамаи шаҳрвандони Чин хушбахтӣ ва шукуфоӣ орзу намуд.

Аксҳо: Манбаъҳои кушода