Душанбе, 23 сентябр, – АИ «Корвон Иттилоот».  Ҳукумати Русия умуман қонунгузориро ҷонибдорӣ намуд, ки тибқи он шахсони аз ҳисоби ҳарбӣ гурехта аз шаҳрвандии гирифташуда маҳрум мегарданд. Дар баррасии расмии ҳукумат зикр шудааст, ки ҳуҷҷат бо шарти ислоҳи он бо дарназардошти тавзеҳоти пешниҳодшуда дастгирӣ мешавад.

Муаллифони тарҳ — вакилони ҳизби «Руссияи ягона». Тағйирот ба қонунҳои «Дар бораи ӯҳдадории ҳарбӣ ва хизмати ҳарбӣ» ва «Дар бораи шаҳрвандӣ» пешниҳод шудаанд.

Моҳияти ташаббус

• Шахсоне, ки шаҳрвандии Русияро ба даст меоранд, уҳдадоранд дар давоми ду ҳафта ба комиссариати ҳарбӣ ҳозир шаванд ё дар давоми як ҳафта аризаи дахлдорро тавассути портали «Госуслуги» пешниҳод кунанд.

• Дар сурати иҷро нашудани ин талабот хулоса дар бораи гурез аз иҷрои ӯҳдадориҳои ҳисоби ҳарбӣ қабул мешавад.

• Барои чунин қонуншиканон шаҳрвандии гирифташуда бекор мешавад. Такроран барои шаҳрвандӣ муроҷиат кардан на пештар аз се сол имкон хоҳад дошт.

Дар лоиҳаи аслӣ ҳамчунин пешбинӣ мешуд, ки бо шахсони гурезанда наздикони онҳо, аз ҷумла фарзандон низ аз шаҳрвандӣ маҳрум гарданд. Дар баррасии ҳукумат зарурати ислоҳи ин нуқсонҳо таъкид шудааст, то ки:

• тағйирот дар қонунҳои гуногун байни ҳам мувофиқ гарданд,
• имкони бекор гардидани шаҳрвандии кӯдаконеро, ки онро бо таваллуд ба даст овардаанд, аз байн бурда шавад.

Ин ташаббус дар доираи сиёсати умумии мақомоти Русия оид ба сахттар кардани талабот нисбат ба шаҳрвандони нав қарор дорад. Ба андешаи коршиносон, чора бештар ба интизомбахшии муҳоҷироне равона шудааст, ки шаҳрвандии Русияро мегиранд ва назорати қатъии иҷрои ӯҳдадориҳои ҳарбии онҳоро таъмин мекунад.

АКС: Аз манбаъҳои боз