Душанбе, 05 октябр, – АИ «Корвон Иттилоот». Дар Хонаи Русия дар Душанбе Клуби байналмилалии шоҳмотӣ, ки бо ибтикори гроссмейстери рус Сергей Карякин таъсис ёфтааст, ифтитоҳ мешавад. Клуб ҳамаи хоҳишмандонро даъват мекунад — ҳам нафароне, ки мехоҳанд асосҳои бозиҳои шоҳмотро омӯхта ба назар гиранд, ва ҳам дӯстдорони шоҳмот бо таҷрибаи бозӣ.

Дарсҳо ду маротиба дар як ҳафта баргузор мешаванд ва бо кор бо мураббиёни бо таҷриба аз Русия ва Тоҷикистон дар асоси методикаҳои беназир роҳандозӣ мегарданд. Ғайр аз равандҳои омӯзишӣ, иштирокчиёнро мусобиқаҳои мунтазам ва гуфтугӯ бо дигар дӯстдорони шоҳмот интизоранд. Синни иштирокчиён — аз 7 сол ба боло. Барои бақайдгирӣ рақами тамос: (+992) 900003027 пешбинӣ шудааст.

Ибтикор бо кӯмаки Россотрудничество ва Клубҳои шоҳмотии Сергей Карякин ва дастгирии Федератсияи шоҳмотии вилояти Маскав амалӣ мегардад. Ҳадафи асосии лоиҳа — рушди ҳаракати шоҳмотии Русия ва таҳкими робитаҳои фарҳангӣ байни кишварҳо ва халқҳо мебошад.

Клуби байналмилалии шоҳмотӣ дар Душанбе имконияти беназир барои ҷавонон ва калонсолон фароҳам меорад, ки малакаи худро такмил диҳанд, дар мусобиқаҳо ширкат варзанд ва фикри стратегиро инкишоф диҳанд.

АКС: Хонаи Русия дар Душанбе