МОСКВА, 14 октябри соли 2025 АИ «Караван Инфо». Гурӯҳи вакилон ба Думаи Давлатӣ лоиҳаи қонунеро пешниҳод мекунанд, ки ду маротиба зиёд намудани нафақаҳои иҷтимоии шаҳрвандони ғайри қобили меҳнатро пешбинӣ мекунад.

Бо ташаббуси вакилони парлумон, мардони аз 70-сола боло, занони аз 65 – сола боло, маъюбони гурӯҳи II ва кӯдаконе, ки як волидайнро аз даст додаанд, на 5 034 рубл, балки 10 068 рубл мегиранд. Ба маъюбони гурӯҳи I ва кӯдакони маъюб пешниҳод намуда мешавад, ки пардохтро аз 12 082 то 24 164 рубл боло баранд.

Барои шахсони Дорои гурӯҳи I маъюбӣ, маъюбони гурӯҳи II аз кӯдакӣ ва кӯдакони ятим андозаи нафақа то 20 137 рубл ва барои маъюбони гурӯҳи III то 8 558 рубл (аз 4 279 рубли ҳозира) зиёд намуда мешавад.

Вакилон изҳор медоранд:”баланд бардоштани нафақаи иҷтимоӣ заминаи ҳуқуқӣ ва молиявиро барои афзоиши минбаъдаи пардохтҳои махсус ба собиқадорон ва иштирокчиёни худ тақвият медиҳад”.

Ҳуҷҷат пешниҳод мекунад, ки ба қонун “Дар бораи таъминоти давлатии нафақа” ислоҳот ворид намуда шавад. Мувофиқи “Маҷаллаи Русия”, пас аз қабули ташаббус, нафақаи миёнаи иҷтимоӣ метавонад то аввали соли 2026 ба 16 590 рубл (ба ҷои 15 533 рубли ҷорӣ) бирасад.

Бояд қайд намуд, ки нафақаи иҷтимоӣ дар Русия ба шаҳрвандоне дода мешавад, ки собиқаи суғуртавиро ҷамъ накардаанд ё ба таври дигар ба нафақаи суғуртавӣ ҳуқуқ надоранд.

Аз соли 2019 то 2028 ислоҳоти нафақа гузаронида мешавад, ки афзоиши тадриҷии синни нафақа ва таҷдиди қоидаҳои пардохтро дар бар мегирад.

Аксҳо аз манбаъҳои кушода