МОСКВА, 21 октябри соли 2025 АИ «Караван Инфо». Асосгузори мессенҷери телеграмм-Павел Дуров дар шабакаи иҷтимоии X навиштааст: «Ман ҷавоҳироти дуздидашударо мехарам ва онҳоро ба Лувр бармегардонам. Ман Лувр Абу-Дабиро дар назар дорам, албатта». Вай инчунин гуфт: “«касе аз Луври Абу-Даби» намедуздад.
Ин изҳорот дар пайи ғорати далеронаи осорхонаи Луври Парж садо дод, ки дар он ҷо субҳи 19 октябр ҳамлагарон ба галереяи «Апполон» ворид шуда, 9 ашёи коллексияи ҷавоҳироти Наполеонро дуздидаанд
Дуров қаблан ин ҳодисаро ҳамчун “«аломати ғамангези таназзули Фаронса аст ” тавсиф намуда буд ва қайд намуд, ки он бо сабаби нокомии ҳукумати Фаронса дар иҷрои вазифаҳои худ имконпазир шуд. Дар натиҷаи ин ғоратгарӣ, осорхона барои як рӯз баста шуд ва мақомот тафтишотро идома дода, вайронкунии ҷиддии амниятро қайд намуданд.
Пешниҳоди Дуров бори дигар таваҷҷӯҳро ба бозори байналмилалии арзишҳои фарҳангӣ, механизмҳои баргардонидани дуздидашуда ва зарурати ҳифзи боэътимоди коллексияҳои осорхона ҷалб намуд.
Ғоратгарии Лувр санаи 19 октябри соли 2025 рух дод ва яке аз резонанстарин гардид: дар тӯли 7–8 дақиқа ҳамлагарон бо истифода аз лифт ва асбобҳои сохтмонӣ аз коллексияи шоҳона ҳашт ашё, аз ҷумла ҷавоҳироти замони Наполеонро дуздиданд.
Ин ҳодиса масъалаҳои амнияти бузургтарин осорхонаи ҷаҳонро ба миён овард ва инъикоси мушкилоти афзояндаи дуздии осорхонаҳо, аз ҷумла артефактҳои стратегии фарҳангӣ буд.
Аксҳо: Скриншот аз канали YouTube KAZINFORM