Остона, 25 ноябри соли 2025 АИ Караван Инфо. Вазири корҳои хориҷии Ҷумҳурии Қазоқистон Ермек Кошербаев Намояндаи Махсуси иттиҳоди Аврупо оид ба Осиёи Марказӣ Эдуардс Стипрайсро қабул намуд. Дар ҷараёни мулоқот ҷонибҳо таҳкими ҳамкориҳои дуҷониба ва байниминтақавӣ, инчунин лоиҳаҳои асосии инфрасохторӣ ва экологиро баррасӣ намуданд.

Вазир Кошербаев қайд намуд, ки Қазоқистон ва Иттиҳоди Аврупо муколамаи сиёсиро пайваста тақвият медиҳанд, аз ҷумла дар доираи Татбиқи Созишнома дар бораи шарикӣ ва ҳамкории васеъ, ки 10 сол пеш ба имзо расида буд ва ҳамчун заминаи мустаҳками ҳамкории дарозмуддат хизмат мекунад. Вай таъкид намуд, ки Қазоқистон шарики боэътимод ва масъули ИА аст, ки барои густариши ҳамкориҳои дуҷонибаи иқтисодӣ ва сиёсӣ боз аст.

Ҷонибҳо дар самтҳои асосии ҳамкорӣ мубодилаи афкор намуда, аҳамияти пешбурди лоиҳаҳоро оид ба тағиребии “сабз” ва алоқаи нақлиетӣ қайд намуданд. Дар ин замина аҳамияти махсуси рушди хатсайри байналмилалии нақлиётии Транскаспий (ХБНТ) тасдиқ намуда шуд.

Ермек Кошербаев инчунин аҳамияти рушди минбаъдаи кооператсияро дар доираи формати Осиёи Марказӣ иттиҳоди Аврупо қайд намуд. Вай таъкид кард, ки ин формат худро ҳамчун платформаи муассир барои пешбурди муколамаи минтақавӣ ва татбиқи ташаббусҳои амалӣ муаррифӣ намудааст. Қазоқистон изҳори омодагӣ намуд, ки минбаъд низ дар лоиҳаҳои муштарак фаъолона иштирок кунад.

Намояндаи Махсуси ИА Эдуардс Стипрайс сатҳи ҳамкории байни ҶҚ ва ИА-ро баланд арзёбӣ намуда, саҳми Остонаро дар таҳкими ҳамкории байниминтақавӣ ва рушди ташаббусҳои муҳими иқтисодӣ ва инфрасохторӣ қайд намуд.

Дар натиҷаи мулоқот ҷонибҳо ҷонибдории худро ба таҳкими минбаъдаи шарикии мутақобилан судманд тасдиқ намуданд ва изҳори омодагӣ намуданд, ки муколамаи созандаро оид ба масъалаҳои калидии рӯзномаи дуҷониба ва минтақавӣ идома диҳанд.

Аксҳо: ВКХ ҶҚ