ОСТОНА, 28 ноябр Аи Караван Инфо. Клуби футболи “Шахтёр” аз Караганда соҳиби хусусии нав — ширкатеро гирифт, ки ба гурӯҳи бузурги тиҷоратии соҳибкори маъруфи қазоқистонӣ Тимур Турлов дохил мешавад. Созишнома аз музояда гузашт ва бо арзёбии пурраи дороиҳо ҳамроҳ шуд. Пас аз имзои шартнома, клуб ба тағйирёбии васеъмиқёсе, ки ба рушди варзиш дар минтақа равона шудааст, оғоз мекунад.

Дар якҷоягӣ бо хокимият ва сохтори гурӯҳи Freedom Holding Corp. экосистемаи муосири футбол ташаккул меёбад. Ба инфрасохтор ва омодасозии бозингарони ҷавон 18,5 миллиард тенге маблаг равона намуда мешавад: 12 миллиард ба академия, 6,5 миллиард ба рушди футболи кӯдакон ва наврасон ва оммавӣ.

Лоиҳаҳои асосӣ оғоз мешаванд: Барномаи Мактабии ALGA!, лигаи кӯдакон ва наврасон BFL, сохтмони академияи нав ва стратегияи минтақавии рушди футбол. Академия бо масоҳати қариб 10 гектар варзишгох, манеж, маркази тиббӣ, ҳавз, хобгоҳ ва минтақаҳои истироҳатро дар бар мегирад. Анҷоми корҳои асосӣ дар соли 2027 ба нақша гирифта шудааст.

Диққати алоҳида ба тайёр намудани мураббиён, аз ҷумла таҷрибаомӯзии байналмилалӣ ва гирифтани литсензияҳои UEFA дода мешавад. Дар баробари ин, дар Қазоқистон хусусигардонии клубҳо идома дорад: “Актобе” ва “Кайсар” низ ба дасти хусусӣ мегузаранд.

Аксҳо: хокимияти вилояти Караганда