ОСТОНА, 13 ноябр АИ «Караван Инфо». Дар Қазоқистон маъракаи ҷумҳуриявии “Октябри Гулобӣ” ба анҷом расид, ки ба пешгирӣ ва ошкор намудани барвақтии саратони сина равона намуда шудааст. Тибқи маълумоти институти илмӣ-тадқиқотии Онкология ва радиологияи Қазоқистон, бо дастгирии 20 маркази онкологии минтақавӣ зиёда аз 8 ҳазор зан аз муоина гузаштанд.

Дар доираи аксия дар муассисаҳои тиббӣ ва корхонаҳои кишвар Рӯзҳои дарҳои кушод, муоинаи сайер ва лексияҳо дар бораи аҳамияти пешгирӣ гузаронида шуданд. Дар маҷмӯъ, зиёда аз 3,4 ҳазор тадқиқоти ташхисӣ, аз ҷумла маммография гузаронида шудааст. Дар 629 иштирокчӣ тағйироти онкологӣ ва пеш аз саратон, дар 2573 дигар патологияҳо ошкор намуда шуданд.

Ба гуфтаи Раиси КазНИИОР Ербола Бекмуҳамбетов, “Октябри Гулобӣ” самаранокии худро ҳамчун воситаи баланд бардоштани огоҳӣ ва таҳкими фарҳанги пешгирӣ дар байни занон исбот намудааст.

Сурат: ВТ ҶҚ