Остона, 4 ноябри соли 2025 АИ «Караван Инфо». Дар робита ба боришоти пешбинишуда ва эҳтимоли пайдоиши яхбандӣ дар рӯзҳои наздик, хадамоти коммуналии Алмаато ба режими пурзӯри корӣ гузаронида шуд. Мақомоти шаҳр инчунин аз ронандагон хоҳиш намуданд, ки чораҳои эҳтиётӣ андешанд.

Тибқи пешгӯии РГП «Казгидромет», санаи  4-уми ноябр борон интизор аст. Санаи 5-уми ноябр боришот (борон, барф) ва ях бо баландии то 10 мм пешгӯӣ намуда мешавад. Ҳарорати ҳаво шабона то минус 3-5 °С паст мешавад.

Дар идораи инфрасохтори коммуналӣ ва нозироти манзил хабар дода шуд, ки барои таъмини фаъолияти бехатар ва бефосилаи инфрасохтори шаҳр навбатдории шабонарӯзии хадамоти махсусгардонидашуда ташкил намуда шудааст.

• Дар пойгоҳҳои “Алмаато Тазалик” ронандагон, механизаторҳо ва коргарони роҳ шабонарӯзӣ навбатдорӣ мекунанд.

• Пешакӣ 204 адад қумпошакҳо омода карда шудаанд.

•Кӯчаҳои магистралӣ бо реагентҳои моеъ коркард шудаанд.

• Хадамоти наҷоти шаҳри Алмаато навбатдорӣ ташкил намуд.

Ҳокимият ҳушдор дод, ки мошинҳои дар канори роҳҳо, гирду атроф ва таваққуфгоҳҳо манъшуда ҳангоми тоза намудани барф бо ёрии эвакуаторҳо ва манипуляторҳо ҷойгир карда мешаванд.

Дар робита ба яхбандии эҳтимолӣ ба ронандагон тавсия дода мешавад:

• Суръатро паст кунанд ва масофаи бехатарро риоя намоянд.

• Аз манёврҳои ногаҳонӣ канорагирӣ намоянд ва роҳи тормози васеъро ба назар гиранд.

• Шинаҳои зимистонаро пешакӣ насб намоянд.

• Ба ронандагони дорои собиқаи кам аз ҷониби мақомот маслиҳат дода шуд, ки аз истифодаи нақлиёти шахсӣ худдорӣ кунанд ва аз нақлиёти ҷамъиятӣ истифода баранд.

Ҳокимият инчунин масъулияти маъмуриро барои саривақт таҷҳизонидани мошинҳо ба мошинҳои зимистона хотиррасон намуд.

Аксҳо: аз манбаъҳои кушода