ОСТОНА, 3 ноябр АИ «Караван Инфо». Дар Талдикургон бори аввал чемпионати ҷумҳуриявии “Medskills Zhetysy-2025” дар самти Ҳамширагӣ баргузор шуд, ки дар доираи соли касбҳои корӣ бо дастгирии Вазорати тандурустии Қазоқистон ташкил намуда шуд.

Дар мусобиқа донишҷӯёни 3-4 курси коллеҷҳои тиббӣ аз тамоми минтақаҳои кишвар иштирок намуданд. Дар заминаи Коллеҷи олии тиббии Талдикургон, иштирокчиён малакаҳои касбии худро дар 15 майдончаи озмунӣ нишон доданд, ки ҳолатҳои воқеии клиникиро бо иштироки беморони стандартикунонидашуда барқарор мекунанд.

Озмуни мазкур се модулро дар бар мегирифт: кӯмаки ҳамширагӣ дар статсионар, кор дар поликлиника ва иҷрои расмиёти мураккаб бо риояи стандартҳои нигоҳубини исботӣ.

Баҳодиҳиро 45 нафар коршиноси мустақил гузаронида, шаффофият ва объективии натиҷаҳоро таъмин намуданд.

Чемпионат барои табодули таҷриба ва баланд бардоштани мақоми касби ҳамшираи тиббӣ майдони муҳим гардид ва нақши калидии онро дар системаи тандурустии Қазоқистон таъкид намуд.

Сурат: ВТ ҶҚ