Душанбе, 23 декабр, 2025 – АИ «Корвон Иттилоот». Филиали Донишгоҳи миллии тадқиқотии технологиии «Институти пӯлод ва хӯлаҳои Москва» дар Душанбе дарҳои худро барои хатмкунандагони оянда боз кард: мактаббачагон аз шаҳри Душанбе ва ноҳияҳои тобеи ҷумҳурӣ имконият пайдо карданд, то бо ҳаёти донишҷӯӣ ва имкониятҳои таълимии муассиса шинос шаванд.

Дар доираи чорабинӣ меҳмонон бо базаи моддиву техникӣ, барномаҳои таълимӣ ва ҳаёти берунаи таълимии донишҷӯён шинос шуданд. Ҳамчунин таваҷҷӯҳ ба имкониятҳои рушди касбӣ ва дурнамои корӣ дода шуд.

Бо сухани пазироӣ масъули котиботи қабул баромад, ки дар он мақсади Рӯзи дарҳои кушод ва маслиҳатҳо оид ба интихоби огоҳонаи касбу ихтисос барои хатмкунандагон иброз гардид.

Чорабинӣ бо викторинаи ҷолиб аз ҷониби Шӯрои донишҷӯёни филиал пурра шуд. Ҳатмкунандагони фаъол ва боистеъдод ҷоизаҳои хотиравӣ гирифтанд.

Рӯзи дарҳои кушод на танҳо чорабинӣ, балки майдони муҳиме барои муоширати зинда бо омӯзгорон ва роҳбарони филиал буд ва ба хатмкунандагон кӯмак кард, то қадами аввалро дар роҳи касби муваффақона гузоранд.

АКС: Филиали Донишгоҳи миллии тадқиқотии технологиии «Институти пӯлод ва хӯлаҳои Москва»