ОСТОНА, 9 январ АИ «Караван Инфо». Дар Қазоқистон маблағҳои фонди махсуси давлатӣ, ки аз ҳисоби дороиҳои ба давлат баргардонидашуда ташкил карда шудааст, ба рушди тандурустӣ фаъолона равона карда мешаванд. Маблағгузорӣ сохтмон ва навсозии иншооти ёрии аввалия, беморхонаҳои бисёрсоҳавӣ, марказҳои махсусгардонидашуда ва инфрасохтори ёрии таъҷилиро дар бар мегирад.

Тавре Президент Қасим-Жомарт Токаев қайд намуд, дар маҷмӯъ 434 лоиҳаи иҷтимоӣ ва коммуналӣ ба маблағи 482 миллиард тенге аз ҳисоби фонд амалӣ ва ба анҷом мерасанд, ки 183 адади онҳо тиббӣ мебошанд. Бевосита ба соҳаи тандурустӣ дар солҳои 2024-2025 148,3 миллиард тенге равона намуда шудааст: 66,3 миллиард дар соли 2024 ва 82 миллиард дар соли 2025.

Қисми зиёди маблағҳо барои навсозии тандурустии деҳот сарф намуда шуданд: сохтмони 145 иншооти ПМСП дар даҳ минтақа ба анҷом расид, беморхонаҳои байниноҳиявӣ таъмир ва таҷдид намуда шуданд. Лоиҳаҳои калон беморхонаи нави бисёрсоҳавӣ дар Риддер, Маркази гематология дар Уст — Каменогорск ва истгоҳи ёрии таъҷилӣ дар Актау маблағгузорӣ намуда шуданд.

Татбиқи ин лоиҳаҳо имкон дод, ки дастрасӣ ва сифати кӯмаки тиббӣ, алахусус дар минтақаҳо, ба таври назаррас беҳтар намуда шавад ва намунаи равшани истифодаи иҷтимоии маблағҳои ба давлат баргардонидашуда гардид.

Акс тасвир шудааст, АИ “Караван Инфо”