Остона, 14 январи соли 2026 АИ «Караван Инфо». Ҳукумати Қазоқистон марҳилаи нави иктишофи муфассали геологиро оғоз мекунад. Ба ин мақсадҳо дар се соли оянда 240 миллиард тенге равона намуда мешавад, хабар доданд дар Вазорати саноат ва сохтмон.
Лоиҳаҳо аз суратгирии геологии миқёси 1:50 000 дар майдони 100 ҳазор км2 иборат аст, ки аз харитаҳои шӯравӣ чор маротиба муфассалтар аст. Фарогирии солона 30 ҳазор км2 қитъаи ояндадорро ташкил медиҳад. Инчунин, корҳои иктишофии сейсмикӣ дар ҳавзҳои кам омӯхташуда гузаронида мешаванд, озмоишгоҳҳо навсозӣ намуда мешаванд ва маълумоти геологӣ рақамӣ намуда мешавад.
Мақсади барнома ошкор намудани конҳои нави мис, тилло, элементҳои нодир ва дигар маъданҳои фоиданок, инчунин коҳиш додани хатарҳои геологӣ барои ҷалби сармоягузории хусусӣ ба истифодаи зеризаминӣ мебошад.
Дар 15 соли охир сармоягузории давлатӣ ба иктишофи геологӣ дар Қазоқистон тақрибан 469 миллион долларро ташкил дод.
Аксҳо: Вазорати Саноати ҶҚ