АФҒОНИСТОН, 31 январи соли 2026 – Агентии иттилоотии Karavan Info. Департаменти корҳои хориҷии Австралия ва сафорати Афғонистон дар Канберра дар як изҳороти муштарак эълон карданд, ки фаъолияти сафорат аз 30 июни соли 2026 қатъ карда мешавад. Ҳукумати Австралия таъкид кард, ки қасд надорад ягон дипломат, консул ё дигар намояндагони Толибонро қабул кунад.
Дар изҳороти Вазорати корҳои хориҷии Австралия гуфта мешавад, ки ин қарор пас аз машваратҳои дуҷониба бинобар "маҳдудиятҳое, ки берун аз назорати сафорат" ҳастанд ва имконнопазирии идомаи кор дар формати кунунӣ қабул шудааст.
Дар ҳуҷҷат қайд карда мешавад, ки Канберра ва Сафорати Ҷумҳурии Исломии Афғонистон дастгирии худро аз мардуми Афғонистон идома медиҳанд.
Дар изҳороти муштарак инчунин таъкид шудааст, ки Австралия ва сафорати Афғонистон "нақзи мунтазам ва такрории" ҳуқуқи инсон аз ҷониби Толибон, бахусус нисбати занон ва духтарони афғонро, қотеъона маҳкум мекунанд.
Дар изҳорот гуфта мешавад: "Гарчанде ки ин натиҷа номатлуб буд, ба мувофиқа расида шуд, ки раванди гузариши мураттаб ва шоиста бидуни халалдор кардани мавқеи принсипиалии сафорат ва ҳукумати Австралия дар робита ба вазъияти Афғонистон сурат гирад".
Сафорати Ҷумҳурии Исломии Афғонистон дар Австралия аз замони ба қудрат расидани Толибон дар моҳи августи соли 2021 ба афғонҳои муқими ин кишвар хизматрасонии консулӣ мерасонад.
Акс: Анадолу Аҷансӣ