Остона, 05 феврали соли 2026-АИ «Караван инфо». Дар ҷараёни сафари давлатии Президенти Қазоқистон Қасим-Жомарт Токаев ба Исломобод бо иштироки Сарвазири Покистон маросими ифтитоҳи марказҳои фарҳангӣ -таълимӣ ва маҷмааи варзишии “Достиқ” баргузор шуд.

Дар пойтахти покистон марказҳои ба номи Ал-Фарабӣ, Каниш Сатпаев ва Хоҷа Аҳмад Яссавӣ, ки дар заминаи шарикии донишгоҳҳои пешрафтаи ду кишвар таъсис дода шудаанд, ба кор шурӯъ намуданд. Маркази ал-Фарабӣ, ки дар якҷоягӣ бо КазНУ-и Ал-Фарабӣ ва Донишгоҳи “Қоид-и-Азам” кушода -шудааст, бо техникаи муосир ва адабиёти таълимӣ муҷаҳҳаз аст; дар ин ҷо гузаронидани курсҳои забони қазоқӣ ба нақша гирифта шудааст. Маркази Каниш Сатпаев ҳамкориро дар соҳаи илм, маориф ва технология байни Донишгоҳи Сатбайев ва донишгоҳи миллии илм ва технологияи Покистон рушд хоҳад дод. Маркази Хоҷа Аҳмади Яссавӣ дар доираи ҳамкории донишгоҳи байналмилалии қазоқистону туркия ва донишгоҳи Байналмилалии исломии Исломобод таъсис дода шудааст.

Инчунин, маркази варзишии “Достиқ” кушода шуд, ки дар он ният доранд намудҳои миллии варзишро рушд диҳанд, намояндагиҳои академияҳои варзишии қазоқистонро кушоягд ва барномаҳои муштараки омӯзиширо барои варзишгарон ва мураббиёни ду кишвар ташкил кунанд.

Аксҳо: Акорда / ИА Караван Инфо