Пас аз бастани созишномаи оташбас байни Исроил ва Лубнон, ки 27 ноябр эътибор пайдо кард, чонибхои мухолиф якдигарро дар вайрон намудани шартхои сулх айбдор мекунанд. Бори аввал аз замони имзои созишнома, «Хизбуллох» дар посух ба зарбахои мунтазами исроили ба каламрави зери Назорати Исроил ду тир партофт. 

Тибки маълумоти низомиёни исроили, тирхои “Хизбуллох” дар майдони кушод афтоданд ва зарар нарасониданд. Дар посух сарвазири Исроил Бинёмин Нетаняху изхор дошт, ки Исроил омода аст ба хама гуна вайронкунии оташбас сахт вокуниш нишон дихад. 

“Тирпартоии Хизбуллох ба нохияи Хар-Дов як накзи чиддии оташбас аст ва Исроил ба ин катъиян посух хохад дод,” – таъкид намуд Нетаняху. 

Аз тарафи дигар, хукумати Лубнон иддао дорад, ки Исроил бо зарбахои харруза ба таври муназзам шартхои оташбасро вайрон мекунад. Тибки иттилои вазорати тандурустии Лубнон, дар натичаи яке аз чунин зарбахо як сокини осоишта дар чануби кишвар кушта шуд. 

Нерухои сулхчуёни СММ дар Лубнон (UNIFIL) хабар доданд, ки Исроил дар як хафтаи охир такрибан 100 маротиба оташбасро вайрон намудааст. ИМА ва Фаронса, ки чонибхоро дар чустучуи созиш дастгири мекунанд, инчунин аз амалиёти низомиёни исроил изхори нигарони намуданд. 

“Мо аз харду чониб даъват мекунем, ки шартхои сулхро риоя кунанд. Афзоиши низоъ на танхо ба суботи минтакави тахдид мекунад, балки эътимодро ба талошхои байналмилали барои халли сулх кохиш медихад,” — гуфт намояндаи UNIFIL. 

Созишнома пешбини мекунад, ки Исроил ухдадор мешавад, ки аз амалиёти низоми алайхи иншооти шахрванди ва давлати дар Лубнон худдори кунад. Чониби Лубнон, дар навбати худ, кафолат дод, ки гуруххои мусаллах, аз чумла «Хизбуллох», алайхи Исроил амалиёт анчом намедиханд. 

Бо вучуди талошхои чомеаи байналмилали, иттихомоти тарафайн ва шиддат гирифтани вазъ тахдид мекунад, ки оташбасро вайрон мекунад. Коршиносон метарсанд, ки конуншиканихои минбаъда метавонанд ба мунокишаи азиме табдил ёбад, ки ба тамоми минтака таъсир мерасонад.

Аксхо: GETTY IMAGES