Апрель айынын башында Казакстандын делегациясы атомдук энергияны тынчтык максатта пайдалануу жаатында казак-жапон кызматташтыгын кеңейтүү максатында Японияга расмий сапар менен келген.

Сапардын алкагында Япониянын Тышкы иштер министринин орун басары, ошондой эле Япониянын Экономика, соода жана өнөр жай министрлигинин, Япониянын Атомдук энергия боюнча агенттигинин (JAEA) Атомду жөнгө салуу органынын (NRA) өкүлдөрү менен жолугушуулар болду.

Казакстан Республикасынын Энергетика министрлигинин басма сөз кызматы билдиргендей, тараптар атомдук энергияны тынчтык максатта пайдалануу жаатында эки тараптуу кызматташуу, анын ичинде тажрыйба алмашуу, квалификацияны жогорулатуу жана кадрларды даярдоо маселелерин талкуулашты.