Ушул жылдын 15-апрелинде Казакстан Республикасынын Россия Федерациясындагы Атайын жана Ыйгарым укуктуу Элчиси Д. Абаев Патрис Лумумба атындагы Россия элдеринин достугу университетинде «Жаңы Казакстан – адилеттүү Казакстан» деген темага арналган лекциясын өтту.

«Орусияда табигый түрдө Чыгышка бурулуш бар, ал эми Россиянын чыгышына бурулуш Казакстансыз ишке ашпайт», — деп баштады элчи.  Д. Абаев окуган лекциянын негизги темалары экономика, билим жана саясатты талкуулоого багытталган.

Элчинин айтымында, 2019-жылы Казакстан үчүн «саясий реформалардын жаңы этабы» келди, ал «угуучу мамлекет» концепциясына негизделгенин баса белгиледи, башкача айтканда, бардыгын угуп , коруп турчу мамлекет: өлкөдө эмне болуп жатат, эл эмнени  уккусу келип жатат жана элди кандай процесстер кызыктырат.

«Мамлекеттин чечимдери адилеттүү болушу маанилүү, ошондуктан бул адилеттүү Казакстанга багытты билдирет», — деди Д. Абаев.

Элчи белгилегендей, «экономикалык реформаларга көп көңүл бурулуп, өлкөнүн бардык негизги кодекстери: Салык кодекси, бюджеттик кодекс, курулуш кодекси ж.б.у.с. кайра жазылат».

Элчи Казакстан тууралуу уламыштар темасына да токтолду: “Биринчи миф – Казакстанда орусофобия бар, экинчи миф – Казакстандагы бардык орус көчөлөрүнүн аталышы өзгөртүлдү, дагы бир абсолюттук миф – Казахстанда орус тили унутулуп баратат.» «Биз орус тилин түшүнөбүз, орус тили – күч», — деп кошумчалады Д. Абаев.

Россия менен стратегиялык өнөктөштүк темасы да айтылды:

«Биздин тарыхыбыз жалпы, менталитетибиз, дүйнөнү кабылдообуз окшош, ошондуктан биз Россия менен дайыма стратегиялык мамиледебиз; биз баары менен дос болобуз, бирок Орусия менен ар дайым өзгөчө мамиледе болобуз», — деп белгиледи элчи.