Тәжікстан Республикасы Президентінің жанындағы мемлекеттік басқару академиясында «Халықтық дипломатияның әлеуеті: ынтымақтастықтың жаңа форматтары және үздік тәжірибелер»тақырыбында халықаралық халықтық дипломатия форумы өтті.

Форум 2025 жылға жоспарланған халықаралық қоғамдық саммитке дайындық аясында ұйымдастырылды.

Іс-шара барысында қатысушылар қоғамдық ұйымдар арқылы халықтық дипломатияны пайдалану мүмкіндіктерін, сондай-ақ өңірлік интеграцияны дамыту перспективаларын талқылады. Сонымен қатар, озық тәжірибелер мен инновациялық идеяларды ілгерілету мақсатында бизнес, ғылым, білім және гуманитарлық қызмет сияқты салаларда тәжірибе алмасу жүргізілді.

Қазіргі жағдайда халықтық дипломатияның рөлі едәуір артып келе жатқандығы атап өтілді. Бұл халықаралық қоғамдастықтың қоғамдық күштерін біріктіруге, мемлекеттер мен халықтар арасындағы сенім мен өзара түсіністікті нығайтуға ықпал етеді. Осыған байланысты әртүрлі елдердің қоғамдық ұйымдары арасындағы өзара іс-қимылдың жаңа форматтарын әзірлеу және енгізу, сондай-ақ ынтымақтастықтың қазіргі заманғы хаттамаларын бекіту қажеттігі атап өтілді.

Форум Тәжікстан Республикасында «Еуразия және Африка халықтары Ассамблеясының күндері» бағдарламасы аясында өткізіліп, 26 қазанға дейін жалғасады.

ФОТО: Тәжікстан Республикасы Президентінің жанындағы Мемлекеттік басқару Академиясы