Өткөн жумада Кыргыз Республикасынын Министрлер Кабинетинин Төрагасы – Кыргыз Республикасынын Президентинин Аппаратынын Жетекчиси Акылбек Жапаров «Яндекс» бизнес тобунун башкы директору Даниил Шулейко менен жолугушуу өткөрдү.

Тараптар Кыргызстандагы Яндекстин учурдагы долбоорлорун жана бизнести өнүктүрүү келечегин талкуулашты. Республикада бизнести салыктык жөнгө салуу темасы өзүнчө талкуулашты.

Ошентип, А.Жапаров учурдагы колдонууга айдоочулар үчүн автоматташтырылган салыктык отчеттуулук функциясын киргизүүнүн маанилүүлүгүн белгилеп, тиешелүү маалыматтарды салык органдарына автоматтык түрдө берүү зарылдыгын белгиледи.

Министрлер кабинетинин башчысы Кыргызстандын салык мыйзамдары бизнести кеңейтүүгө мүмкүндүк берерин баса белгилеп, мамлекет тарабынан колдоо көрсөтүүгө даяр экенин билдирди.

Даниил Шулейко А.Жапаровдун сөзүнө кошулуп, Кыргызстанда бизнести өнүктүрүүгө жагымдуу шарттар түзүлгөндүгүн белгиледи. Өз кезегинде «Яндекс» өлкөдөгү кызматтарын мындан ары да жакшыртууну көздөйт. «Яндекстин» директору учурда Кыргызстанда «Яндекс Go» платформасында 100 миңден ашык айдоочунун акча табуу мүмкүнчүлүгү бар экенин белгиледи.

Ошондой эле, КР Министрлер Кабинетинин басма сөз кызматы билдиргендей, — «…Кыргызстандын ички маалымат рыногунда кеңеш беруу үчүн жасалма интеллект жана IT чөйрөсүндөгү алдыңкы россиялык адистердин тобунун биздин өлкөгө сапарын уюштуруу жөнүндө макулдашууга жетишилди.