Mart oyi oxirida O‘zbekiston Respublikasi raqamli texnologiyalar vaziri Sherzod Shermatov Qatar Milliy banki rahbariyati bilan uchrashuv o‘tkazdi. Muloqotning asosiy mavzusi O‘zbekiston va Qatar o‘rtasidagi hamkorlik imkoniyatlarini o‘rganish bo‘ldi.

Yig‘ilishda O‘zbekistonda biznes tuzilmalarining loyiha faoliyatini kengaytirish, “Nol xavf” dasturi va boshqa bir qator tashabbuskor loyihalar ham muhokama qilindi. Jahon bozorlarida O‘zbekiston uchun yangi raqamli ish o‘rinlarini yaratish, shuningdek, raqamli iqtisodiyotni rivojlantirish va soha xodimlarida raqamli ko‘nikmalarni shakllantirish uchun qulay shart-sharoitlarni ta’minlashga alohida e’tibor qaratildi.