ОСТОНА, 17 октябр АИ «Караван Инфо». Академияи авиатсияи гражданӣ бо Донишгоҳи Хансео (Ҷумҳурии Корея) барои таҳкими ҳамкорӣ дар соҳаи таҳсилоти авиатсионӣ ва тайёр намудани мутахассисон меморандуми ҳамдигарфаҳмӣ баст.

Созишнома мубодилаи академӣ, лоиҳаҳои илмии муштарак ва таҳияи барномаҳои таълимиро оид ба тайёрии парвоз, идоракунии ҳаракати ҳавоӣ, хидматрасонии техникӣ, авионика ва бехатарии парвозҳо дар бар мегирад. Музокирот дар вақти сафари Ҳайати Академия бо роҳбарии Ректор Бекен Сейдахметов ба кампуси донишгоҳ баргузор шуд.

Дар ҷараёни мулоқот ҷонибҳо дурнамои ҷорӣ намудани навовариҳо дар соҳаи системаҳои ҳавопаймоии бесарнишин ва зеҳни сунъиро баррасӣ намуданд. Ҳайат инчунин, ба кампуси авиатсионии Тэан ташриф овард, ки дар он ҷо бо пойгоҳҳои омӯзишӣ, аэродром ва парки 52 ҳавопаймои омӯзишӣ шинос шуд.

Имзои ёддошт марҳилаи нави шарикии байналмилалӣ гардид, ки барои ташаббусҳои муштараки таълимӣ ва илмӣ имкониятҳои васеъ фароҳам меорад.

Аксҳо: Академияи авиатсияи граждании ҶҚ