МОСКВА, 20 сентябри соли 2025 АИ «Караван Инфо». Шаби 20-уми сентябр низомиёни русия ба Қаламрави Украина зарбаи калон заданд. Тибқи маълумот, дар ҳамла на камтар аз 50 ҳавопаймои Бесарнишини “Геран-2” ва якчанд даҳҳо мушакҳои Х-101 иштирок намуданд.

Зарбаҳои асосӣ ба Днепропетровск расиданд, ки дар он ҷо иншоотҳои саноатӣ ва низомӣ зери оташ қарор гирифтанд.

Дар бораи осеб дидани корхонаи Мошинсозии Ҷанубӣ ва корхонаи “Полимермаш” хабар дода мешавад. Дар шаҳр қатъи барқ ва сӯхторҳо, ки аз минтақаҳои гуногун дида мешуданд, ба қайд гирифта шуданд.

Як қатор таркишҳо дар Николаево низ рух доданд, ки дар он ҷо ҳадафи ҳамла корхонаи саноатӣ буд. Ғайр аз он, зарбаҳо ба Киев, Бориспол, Павлоград, инчунин вилоятҳои Одесса, Черкасск, Полтава, Сумск, Харков ва Чернигов таъсир расониданд.

Каналҳои гуногуни телеграмма кадрҳоро аз ҷои ҳодисаҳои Днепропетровск ва Павлоград нашр намуданд, ки дар он сӯхторҳои васеъмиқёс сабт шудаанд.

Аз оғози низоъ, зарбаҳо ба инфрасохтори ҳарбӣ ва саноатии Украина яке аз унсурҳои калидии стратегияи Русия гардид.

Истифодаи мушакҳои дурпарвоз ва бесарнишинҳо имкон медиҳад, ки ба иншоотҳои чуқури кишвар зарба зананд, ки ин мунтазам ба қатъи таъминоти энергия ва кори системаҳои МҲ Украина оварда мерасонад.

Аксҳо аз манбаъҳои кушода