ОСТОНА, 12 январ АИ «Караван инфо». Дар Қазоқистон барои гузаштан ба модели нави маблағгузории мактабҳои варзишии кӯдакон ва наврасон омодагӣ мегиранд. Вазорати сайеҳӣ ва варзиш лоиҳаи қонунеро таҳия кард, ки маблағгузории меъёрии ҳар як нафар ва системаи аккредитатсияи МВЧН-ро ҷорӣ мекунад. Ин маънои онро дорад, ки маблағҳо на аз рӯи смета, балки барои ҳар як варзишгари машғул ҷудо карда мешаванд.
Дар натиҷа, хароҷоти як тарбиятгиранда аз 233 ҳазор то тақрибан 415 ҳазор танга дар як сол қариб ду баробар зиёд мешавад. Ин равиш шароити омӯзиш, заминаи моддӣ ва сифати омодагии варзишгарони ҷавонро беҳтар мекунад.
Барои ҷорӣ намудани низоми нав маблағгузории иловагӣ аз буҷетҳои маҳаллӣ пешбинӣ шудааст, ки аллакай аз ҷониби комиссияи буҷети Ҷумҳуриявӣ дастгирӣ намуда мешавад. Гузариш ба маблағгузории ҳар як нафар дар ҳамаи мактабҳои варзишии кишвар аз 1 январи соли 2026 ба нақша гирифта шудааст ва қадами муҳим дар навсозии варзиши кӯдакон хоҳад буд.
Аксҳо: Коллаж аз АИ «Караван Инфо»